Зек Лавин имаше одлична партија од 51 поен, но неговиот Чикаго загуби од Детроит во НБА кошаркарската лига.

Пистонси на полувремето имаа двоцифрена позитива од 57:44 и до крајот успеаја истата да ја задржат.

Детроит до победата од 118:102 беше предводен од Кејн Канингем со 25 поени и 10 асистенции.

Минесота стигна и до втората победа сезонава откако со 106:90 триумфираше против Мајами.

За „волците“ доминираше Нез Рид со 25 поени (осум скокови), а за „жешките“ прв стрелец беше Тајлер Хиро со 22 поени (пет скокови).

НБА лига, резултати –

Детроит – Чикаго 118:102
Њу Орлеанс – Њујорк 96:87
Вашингтон – Мемфис 113:106
Кливленд – Индијана 113:125
Торонто – Филаделфија 107:114
Минесота – Мајами 106:90
Феникс – Јута 126:104