На јутјуб-каналот MetaBallStudios е објавена застрашувачка симулација која покажува што би се случило доколку Месечината удри во нашата планета. Откако ја погледнале снимката, многумина коментираа дека таа ги исплашила повеќе од холивудските филмови за катастрофи.

Оваа симулација беше направена откако беше објавена информација дека астероидот 2024 YR4, наречен „убиец на градови“, би можел да се судри со Месечината или со Земјата, пишува LadBible.

Доколку тој астероид, како што сега се предвидува, навистина би удрил во нашата планета, последиците би биле катастрофални. Научниците предвидуваат дека потенцијалниот судир би можел да се случи во 2032 година, само три години откако астероидот „Богот на хаосот“ исто така би можел да удри во Земјата.

Во рамки на тие истражувања и пресметки на можните последици од таков удар, Алваро Грација Монтоја од тимот на MetaBallStudios објави видео кое покажува што би се случило доколку астероидот удри во голем град – поточно на Менхетен.

@dailymail

A city-killer’ asteroid now has a 2.3% chance of slamming into Earth in about eight years, and this terrifying video has revealed what could happen if it does. The energy released could be equivalent to eight megatons of TNT, which would be over 500 times more powerful than the atomic bomb dropped on Hiroshima. The shocking video was created by Alvaro Gracia Montoya, who specializes in 3D animation under the name MetaBallStudios. This theoretical asteroid is roughly the same size as Asteroid YR4, which astronomers have been closely monitoring since they discovered it may directly hit Earth on December 22, 2032. ? SWNS Read more at DailyMail.com #asteroid #simulation #city #killer #scary #space #earth

♬ Scary Tense – Steve Ralph

Но ова не е единствената симулација во која е вклучен тимот на MetaBallStudios кога станува збор за вселенски настани кои можат да влијаат на животот на Земјата.

Што ако Месечината удри во Земјата?

Односот меѓу Земјата и Месечината не е само близок, туку и клучен за животот на нашата планета. Месечината помага да се стабилизира ротацијата на Земјата, што придонесува за релативно стабилна клима. Исто така, нејзината гравитација ги контролира плимата и осеката, создавајќи природен ритам кој ја насочувал човечката цивилизација илјадници години.

Според извештајот на Форбс, таквиот удар, доколку некогаш се случи, би можел да се случи дури за 65 милијарди години. Но, симулацијата сепак предизвика страв кај оние кои ја погледнаа.

„Ниту еден филм за катастрофа никогаш не ме натера да се чувствувам толку исплашено и беспомошно како откако ја погледнав оваа симулација“, напиша еден корисник, додека друг коментираше: „Со соодветен буџет и опрема, можете да направите CGI ремек-дело. Секоја чест!“

„Замислете како би им било на астронаутите да го гледаат од вселената моментот кога Месечината удира во нашата планета – застрашувачки“, гласи еден коментар.