Фудбалерите на Астон вила го совладаа Њукасл со резултат 3:0 во рамките од 31 коло во Премиер лигата.

Еден од најзаслужните за големиот триумф на екипата од Бирмингем беше Оли Воткинс, 27-годишниот напаѓач кој игра во врвна форма. До сега сезонава во Премиер лигата има 13 голови во 30 настапи.

Воткинс беше двоен стрелец со головите во 64 и 83 минута, а запиша и асистенција во првиот погодок кој беше реализиран од Џејкоб Рамзи во 11 минута.

Инаку Воткинс можеше да запише хет-трик на овој дуел, но неговиот гол во 61 минута беше поништен поради офсајд по ВАР одлуката.

Астон Вила која нема пораз во последните осум премиерлигашки натпревари на шестата позиција со 50 бодови, додека Њукасл е третопласиран со 56.