Во 12 коло од најсилното германско првенство Лајпциг на домашен терен беше убедливо поразен од Волфсбург со 5:1.

Потсетување дека во составот на Лајпциг поради повреда до крајот на годината нема да биде македонскиот репрезентативец Елиф Елмас.

Сите дилеми околу победникот беа решени уште во текот на првото полувреме, во четвртата и петтат минута гостите веќе имаа позитива од 2:0 со головите на Амура и Томас. Амура по втор пат се запиша во листата на стрелците во 16 минута од средбата.

За 4:0 се погрижи Маеле во 64 минута, домаќините само го ублажија поразот преку Орбан во 82 минута, а „петардата“ ја комплетираше Беренс во судиското надополнување (90+1`).

За Лајпциг ова е веќе трет пораз во последните четири бундеслигашки натпревари за моментно четврто место со 21 бод. Волфсбург е на седмата позиција со 18 бодови.

Во другите мечеви: Аугсбург – Бохум 1:0, Фрајбург – Борусија Менхенгладбах 3:1, Унион Берлин – Баер Леверкузен 1:2, Вердер Бремен – Штутгарт 2:2.