Прва радост за „коцкастите“ во главната фаза на ЕП/Будимпешта, Унгарија/24 јануари 2022/Фото: EPA-EFE/Zsolt Szigetvary

ВИДЕО: Вардарецот Гаџа им донесе триумф на Хрватите против Исланд

Во претходниот натпревар Исланд изненади многумина со високиот триумф над Франција (29:21), а денеска требаше само да продолжи со добрите резултати на Европското првенство и влезе во сериозна трка за една од позициите во полуфиналето, но тоа не го дозволи отпишаната Хрватска.

Исланѓаните беа на добар пат да обезбедат уште еден триумф, во текот на првото полувреме имаа и „плус пет“ позитива (9:4).

Но, како што се ближеше крајот на првите 30 минути паѓаше концентрацијата во составот на Гудмундсон и тоа го искористија „коцкастите“ кои направија голема серија од 8:2 во второто полувреме и водство од 19:14.

Се врати Исланд во финишот со минимална предност од 22:21, но Хрватите не се предаваа и на крајот со голот на Анте Гаџа, членот на Вардар 1961, дојдоа до првата победа во главната фаза (23:22).

За Хрватска доминираше Лучин со шест голови, по пет имаа Чупиќ и Мартиновиќ, а на спротивната страна шест погодоци запиша Торкелсон. На табелата во групата „1“ води Данска со шест бодови, по четири Франција и Исланд, по два Холандија, Црна Гора и Хрватска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот