Фото: Real Madrid/CF

ВИДЕО: ВАР поништи три гола на Реал Мадрид, но не ги спречи „кралевите“ да ја победат Мајорка

Фудбалерите на Реал Мадрид ја забележаа и третата победа во Ла Лига, откако вечерва во натпреварот од третото коло на гости славеа против Мајорка со 2-1.

Натпреварот започна офанзивно за избраниците на Чаби Алонсо. Веќе во седмата минута Килијан Мбапе ја затресе мрежата, но радоста беше кратка, по прегледување на снимката, ВАРреагираше и голот беше поништен.

На спротивната страна, Мајорка знаеше како да ја искористи својата шанса. Во 18. минута, Ведат Муриќи ги изненади „кралевите“ и донесе водство за домашниот тим.

Реал одговори брзо и ефектно. Во 37. минута Арда Ѓулер израмни на 1-1, а само една минута подоцна Винисиус Жуниор погоди за целосен пресврт. До крајот на полувремето, уште еден погодок на Реал беше поништен и повторно Мбапе немаше среќа.

Во второто полувреме не видовме нови голови, иако Ѓулер уште еднаш ја затресе мрежата, но и тој гол во 55. минута беше поништен поради игра со рака.

Со оваа победа, Реал Мадрид останува со максимален учинок по три одиграни кола, откако претходно ги совлада Осасуна и Овиедо.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот