Русија уништи детска болница во опколениот пристанишен град Мариупол во југоисточниот дел на Украина, соопшти градскиот совет.

Во соопштението објавено на Фејсбук, властите велат дека „руските окупаторски сили фрлиле неколку бомби врз детската болница. Уништувањето е колосално“.

Претставниците на Советот додадоа дека се уште не знаат точен број на жртви.

„Породилното одделение во центарот на градот, детското одделение и терапевтското одделение во болницата – сите се уништени во руски воздушен напад врз Мариупол“, рече на Фејсбук видео началникот на регионалната воена администрација, Павло Кириленко.

Тој додаде дека ранетите во нападот се евакуирани во најблиската болница.

Зеленски објави снимки од инцидентот

Претседателот Зеленски на Твитер објави снимка од инцидентот – што тој го опиша како „директен удар“, а на снимките се прикажани уништени простории долж ходникот во зградата.

„Луѓе, деца се под урнатините. Злосторство! Уште колку светот ќе биде соучесник игнорирајќи го теророт?“ пишува тој.

Зеленски побара зона на забранети летови над земјата за да ги спречи руските авиони да летаат – нешто што САД и другите земји на НАТО го отфрлија.

„Затворете го небото веднаш! Стоп за убиствата! Имате моќ, но се чини дека го губите човештвото“, повика тој.

Градскиот совет соопшти дека при нападот се уништени породилно и детско одделение.

Mariupol. Direct strike of Russian troops at the maternity hospital. People, children are under the wreckage. Atrocity! How much longer will the world be an accomplice ignoring terror? Close the sky right now! Stop the killings! You have power but you seem to be losing humanity. pic.twitter.com/FoaNdbKH5k

— Володимир Зеленський (@ZelenskyyUa) March 9, 2022

Русија ги обвини САД дека разработуваат биолошко оружје во Украина – САД дека Русија подготвува напад со хемиско оружје