Во судир меѓу затвореници во еден од најголемите затвори во Еквадор, Латакунга, загинаа најмалку 15 затвореници, јавуваат тамошните власти, пренесува Би-Би-Си.

Националната агенција за затвори Снаи соопшти дека затворениците се тепале со пиштоли и ножеви, пред чуварите да успеат да ја вратат контролата. Затворот се наоѓа 80 километри јужно од главниот град Кито.

Еквадор имаше серија смртоносни судири меѓу нарко бандите во затворите.

At least 15 inmates die in the latest wave of violence in Ecuador's troubled prison system pic.twitter.com/yiQ70AlMNa

— TRT World Now (@TRTWorldNow) October 4, 2022

Новинската агенција Ефе вели дека повеќе од 400 луѓе загинале во тие судири од 2020 година.

Еквадорските медиуми јавуваат дека меѓу убиените во судирот во затворот Котопакси во Латакунга бил и наводниот шеф на нарко банда, Леандро Нореро. Тој бил уапсен во мај под обвинение за перење пари.

? INFO – #Equateur : Au moins 15 détenus ont été tués lundi à la suite d'une mutinerie dans l'une des plus grandes prisons d'Équateur, ont indiqué les autorités. Depuis février 2021, l'établissement a connu sept massacres entre prisonniers ayant fait plus de 400 morts. #Ecuador pic.twitter.com/PolhMNGQk5

— FranceNews24 (@FranceNews24) October 5, 2022

Насилството избувна по пописот на затворениците. Тоа се случило набргу откако експертите на ОН за превенција од тортура го посетија Еквадор за да ги проценат неговите напори за спречување на насилството во затворите.

Во април, претседателот на Еквадор, Гиљермо Ласо прогласи вонредна состојба во три провинции за да се спречи насилството на бандите поврзани со трговијата со дрога. Слична вонредна состојба беше прогласена и минатата година.

Најлошиот затворски судир бил во пристанишниот град Гвајакил во септември минатата година, кога загинале повеќе од 120 затвореници.

Минатата година еквадорската полиција заплени рекордни 190 тони дрога, главно кокаин.