ВИДЕО | Трипл-дабл на Џејмс во победата на Лејкерс против Сакраменто
Кошаркарите на Лос Анџелес лејкерс победија на домашен терен Сакраменто 131:127 во рамките од НБА лигата.
Препорачано
Леброн Џејмс беше најефикасен во победничкиот тим, забележа трипл-дабл учинок, мечот заврши со 32 поени, 14 скокови и 10 асистенции. Ентони Дејвис постигна 31 поен и имаше девет украдени топки и две асистенции.
Кај Кингси најдобар беше Домантас Сабонис, кој исто така забележа трипл-дабл со 29 поени, 12 скокови и 10 асистенции. Дијарон Фокс постигна 28 поени со 10 асистенции и пет украдени топки.
Кошаркарите на Феникс на домашен терен го победија Далас со 114:102. Во редовите на Феникс најдобар беше Кевин Дурент со 31 поен. Во поразениот тим се истакна словенечкиот репрезентативец Лука Дончиќ со 40 поени, 10 скокови и четири асистенции.
На другите натпревари во НБА беа постигнати следниве резултати: Денвер – ЛА Клиперс 104:109, Шарлот – Мајами 106:114, Детроит – Бостон 118:124, Вашингтон – Кливленд 116:135, Чикаго – Оклахома 95:114, Мемфис – Орландо 124:111, Минесота – Торонто 112:101 и Сан Антонио – Хјустон 109:106.
