Европската радиодифузна унија објави дека претставници на 38 земји ќе се натпреваруваат на 69-тата „Песна на Евровизија“. Благодарение на Немо и песната „Код“, овој настан ќе се одржи следната година во градот Базел – Швајцарија, од 13 до 17 мај, а за најдобра песна на стариот континент ќе се борат натпреварувачи од:

Албанија, Австралија, Австрија, Азербејџан, Белгија, Грузија, Грција, Данска, Естонија, Израел, Ирска, Исланд, Ерменија, Кипар, Латвија, Литванија, Малта, Молдавија, Норвешка, Полска, Португалија, Сан Марино, Украина, Финска, Холандија, Чешка и Шведска.

 

View this post on Instagram

 

A post shared by Eurovision Song Contest (@eurovision)

Освен домаќинот Швајцарија, на 69-та „Песна на Евровизија“ ќе учествуваат и сите земји од „големата петорка“ – Велика Британија, Италија, Германија, Франција и Шпанија.

Од земјите од поранешна Југославија ќе учествуваат Србија, Хрватска, Словенија и по двегодишна пауза Црна Гора.

Македонија и оваа година се повлече од Евровизија 2025 и со тоа ја одбележа и третата година неучество од ова контроверзно музичко натпреварување.

Националната телевизија МРТВ го објави буџетот за 2025 година и таму не се предвидени пари за овогодишно учество на Евровизија.

Поради низата скандали во Малме: Евровизија воведе кодекс на однесување за натпреварувачите