Најмалку осум лица загинаа, а 20 се повредени во сообраќајна несреќа во населбата Езине во Чанаккале, Турција.

„Хуриет“ објави дека во инцидентот учествувале автобус на туристичка компанија, камион што превезувал дрва и автомобил.

Несреќата се случила напладне во сабота (10/5) во близина на бензинска пумпа.

Според првичните информации, автомобилот се судрил со камионот, а потоа автобусот, кој превезувал 25 лица, се удрил во него.

Пет лица, сите од автобусот, загинаа на самото место, додека тројца други завршија во болница. Некои од повредените се во критична состојба.

Министерот за правда извести дека Обвинителството на Езине започнало истрага за несреќата и дека таа им е доделена на двајца обвинители.