Десетици луѓе се повредени во несреќата на транзитен воз во Чикаго, соопштија властите, пренесува ABC News.

Воз на управата за транзит во Чикаго се судрил со плуг за снег околу 10:35 часот по локално време, соопшти пожарникарската служба на Чикаго, пренесува ABC News.

Според пожарникарската служба во Чикаго, вкупно 38 лица се повредени, меѓу кои 31 цивил и седум лица вработени во компанијата CTA.

Меѓу повредените, 23 лица се пренесени во неколку регионални болници, додека 15 одбиле лекување, соопшти противпожарната служба.

Нивните состојби се движат од лесни до сериозни, и никој не претрпел повреди опасни по живот, изјави за новинарите помошник-началникот на пожарникарската служба во Чикаго, Кит Греј.

Меѓу повредените има и четири деца, рече тој.

Воз на Жолтата линија удри во „опрема на пругата“, соопшти CTA.

Возот CTA „патувал со нормална брзина“ кога се судрил со плуг на истата пруга, изјави началникот на противпожарната област во Чикаго, Роберт Јуревич.