Фудбалерите на Тотенхем ја прекинаа низата лоши резултати во Премиер лигата откако денеска како домаќини убедливо со 4:1 го совладаа Њукасл.

Двоен стрелец беше Ришарлисон кој се враќа во потребната натпреварувачка форма после повредата, додека Сон запиша две асистенции.

Најпрвин водство донесе Удоџи во 26 минута, а во 38 минута Сон уште еднаш асистираше и покажа зошт повеќе му одговара да игра како лево крило, го пронајде Ришарлисон за 2:0.

Тотенхем ја продолжи доминацијата и во понатамошниот дел од мечот, Педро Поро испрати одлична топка која дојде до Ришарлисон кој го совлада лошо поставениот Дубравка.

Во финишот од средбата голманот на Њукасл го фаулираше Сон за пенал кој прецизно го реализираше репрезентативецот на Јужна Кореја за 4:0.

Њукасл во судиското надополнување успеа да дојде до барем до почесен гол, откако по грешката на одбраната на домаќините, Вилсон го проигра Жоелинтон кој ја затресе мрежата на Викарио.

ВИДЕО: Манчестер сити со пресврт го совлада Лутон во Премиер лигата