Фудбалерите на Интер се на чекор до пласман во четвр-финалето во Лигата на шампионите, откако вечерва во првиот натпревар од осминафиналето го совладаа Феенорд на гостински терен со 2:0 (1:0).

Екипата од Милано е на добар пат следната недела пред своите навивачи да го прослави своето место меѓу осумте најдобри екипи во Европа.

Маркус Тирам во 38. минута и Лаутаро Мартинез во 50. минута му донесоа вреден триумф на Интер среде Ротердам.

Во 63. минута Мичел незаконски го собори Тирам, па судијата по прегледувањето на ВАР досуди пенал.

Топката ја зеде Зиелински, но ударот на полскиот играч голманот на Феенорд лесно го одбрани.