Фудбалерите на Реал Мадрид го победија Виљареал со резултат 2:0 во деветтото коло од Ла Лига.

Федерико Валверде со гол во 14 минута му донесе предност на „кралскиот“ клуб, а конечниот епилог го постави Винисиус Жуниор со гол во 73 минута.

На овој меч тешка повреда доживеа играчот на Реал, Дани Карвахал, и според првите најави го чека долга пауза.

Реал Мадрид е втор на табелата во најсилното шпанско првенство со 21 бод, додека Виљареал е трет со 17 бодови.

Во следното коло противник на тимот на Карло Анчелоти е Селта во Виго на 19 октомври, додека Виљареал на 20 октомври ќе го пречека Хетафе.