Таткото на напаѓачот на Манчестер Сити, Ерлинг Халанд вчера направи скандал во ложата на „Сантијаго Бернабеу“ од каде што беше исфрлен поради недоличното однесување.

На почетокот на второто полувреме таткото на Норвежанецот влезе во конфликт со навивачите на Реал Мадрид, а во еден момент и со кикирики фрлаше по нив. Во расправијата учествуваа и уште неколку лица кои беа заедно со него, медиумите пренесуваат дека сите биле во алкохолизирана состојба.

Додека обезбедувањето го изнесуваше од стадионот тој продолжуваше да се расправа, а навивачите му дофрлаа погрдни зборови.

ВИДЕО: Евроголови го одбележаа првиот меч меѓу Реал и Сити, финалистот се решава во Манчестер