Американската манекенка Тајра Бенкс (50) го најави своето враќање на долгоочекуваната ревија на „Викторијас Сикрет“, која ќе се одржи на 15 септември во Њујорк. Таа ја објави веста преку видео на Инстаграм во кое покрај неа се појави Џиџи Хадид.

Тајра Бенкс носеше девет ревии за овој бренд, а последната беше во 2005 година.

Џиџи Хадид учествуваше на три модни ревии, по што беше откажана ревијата на „Викторијас сикрет“. Се одржуваше од 1995 до 2019 година, но беше прекината поради критиките дека нивните производи и модели не се доволно инклузивни. Сепак, шоуто се врати минатата година на Прајм, прикажувајќи повеќе различни модели и облека.

Сега „Викторијас сикрет“ се врати во својот традиционален формат, ветувајќи дека на фановите ќе им го даде токму она што тие го сакаат „гламур, ревија, мода, забава, крилја“, нагласи портпаролот на брендот.

Заедно со Тајра и Џиџи, на модната ревија ќе учествуваат Имаан Хамам, Кендис Свонепул, Грејс Елизабет и многу други модели.