Суперхероите Арѓенд Чиљафи, Кристина Георгиевска, Саша Цветковски и Оливер Петрески на децата хоспитализирани на Детската клиника им донесоа радост маскирани во Дедо Мраз, Бетмен, Суперменка и Спајдермен.

Денеска во Утрински брифинг тие споделија дека ова е четврта година по ред како спуштајќи се на јаже, на дечињата им носат новогодишни подароци.

Подароците оваа година се донација од Црвениот крст на Град Скопје.

– Не може со зборови да се опише неизмерната среќа на детските лица кога омилените суперхерои доаѓаат за да им дадат новогодишен подарок. Сите беа многу изненадени кога се појавивме, бидејќи никој, дури ниту медицинскиот персонал не знаеше дека доаѓаме, изјави Арѓент Чилафи од Црвениот Крст  на Град Скопје.

Кристина која го носеше костимот на суперменка вели дека на ниту едно од  децата не му било чудно што е девојка, за разлика од вистинскиот лик на Супермен, а Саша со нас ја сподели анегдотата кога на Дедо Мраз му се заглавила брадата, па морал да се симне по нова брада.