Фудбалерите на Гремио го освоија бразилскиот регионален Супер куп со победата против Сао Луиз (4:1).

Три гола на дебито за клубот од Порто Алегре реализираше славниот уругвајски напаѓач Луис Суарез.

Екс играчот на Барселона за 38 минути во текот на првото полувреме оствари хет-трик, а потоа беше заменет во вториот дел. Ова е првиот хет-трик на Суарез уште од 2013 година, кога играше за Ливерпул против Норич.

Потсетување дека Суарез се пресели во Гремио од уругвајскиот клуб Насионал и потпиша договор на две години.

Оваа сезона Гремио ќе игра во бразилската Серија А, откако минатата сезона успеа да избори пласман од Серија Б.