Уругвајскиот репрезентативец Луис Суарез стана најдобар стрелец во историјата на јужноамериканските квалификации за Светските првенства откако постигна еден гол гол за својата селекција во победата над Чиле од 0:2 и го собори рекордот на Лионел Меси.

Суарез во 79 минута го отвори резултатот, додека конечниот резултат го постави Валверде во 90 минута. Ова беше 29. гол за Суарез во јужноамериканските квалификации за СП и го престигна Меси кој остана на 28 гола во квалификациите.

Уругвај заедно со Бразил, Аргентина и Еквадор обезбедија директен пласман на Мундијалот во Катар, додека Перу ќе игра во баражот.

Баражот на Перуанците им го донесе победата од 2:0 над Парагвај во последното коло. „Инките“ работата ја завршија уште во првото полувреме со головите на Лападула во петтата минута и Јотун во 42 минута.

Резултати:
Боливија – Бразил 0:4
Чиле – Уругвај 0:2
Еквадор – Аргентина 1:1
Перу – Парагвај 2:0
Венецуела – Колумбија 0:1

Табела: Бразил 45, Аргентина 39, Уругвај 28, Еквадор 26, Перу 24, Колумбија 23, Чиле 19, Парагвај 16, Боливија 15, Венецуела 10.