Група војници од Србија, кои според руските пропагандни канали на Телеграм се доброволци, а според западните набљудувачи – платеници, деновиве пристигнале во окупираниот украински регион Запорожје за да се приклучат на руските единици и да помогнат во борбата против украинската војска.

„Баталјонот именуван по советскиот генерал Павло Судоплатов се полни со доброволци од братска Србија, кои пристигнаа во регионот Запорожје за да ги заштитат нашите граници“, се вели во објавата на Телеграм.

„Момците од Белград се вистински патриоти. Нашите браќа по оружје пристигнаа во регионот на Запорожје, и покрај забраната на српското законодавство за српските граѓани да учествуваат во специјална воена операција“, вели првиот човек на руската администрација во Запорожје, Евгениј Балицки.

На снимка која исто така беше објавена од руски канал на Телеграм, зборуваат двајца од српските „доброволци“, а едниот од нив вели дека ситуацијата била слична на онаа на боиштата во поранешна Југославија – се бореле против „истата зла империја, Америка, НАТО“, и „ги бранеле своите браќа“.

1/2 Two other ??Serb mercenaries fighting with ??Russia against ??Ukraine with “Sudoplat’s Battalion”.

According to Russian Telegram, both of them were ?‍♂️police officers in Serbia.

"The war in Ukraine is now calming down, while in ??Kosovo you never know what could happen". pic.twitter.com/wSKJIZURb5

— John Jackson (@JohnJac49044910) January 13, 2023

“Војната во Украна сега се смирува, додека во Косово, никогаш не знаете што ќе се случи“, велат на снимката српските платеници, за кои се вели дека биле припадници на воената полиција во својата земја и дека се искусни во војувањето.