По девет години чекање и борба, Николина Ковачевиќ го променила полот.

Српската инфлуенсерка Николина Ковачевиќ објави видео во кое покажа како изгледа процесот на промена на полот. Таа објасни како е „тешко да се биде жена со машки полов орган“ и откри како долго време сакала да се оперира, пренесува „Сити магазин“.

– Сакав операција за промена на полот откако се прифатив себеси и откако дознав дека е можно да го сменам полот и да ја направам оваа операција“. Тогаш имав околу десет години, а почнав да ја чекам операцијата, кога имав 16 години, кога се прифатив себеси. Така, таа операција ја чекав девет години – ја започна својата исповед Николина.

Откако ги добила потребните одобренија од психијатар, таа конечно направила операција за промена на полот и на своите следбеници им објаснила зошто решила да се оперира.

– Тешко е да се биде жена со машки полов орган, кога тоа не ти се допаѓа. Никогаш не се чувствував удобно во врските, секогаш се срамев. Секогаш се криев бидејќи не можев да правам нормални работи. Немав страв бидејќи стравот го сметам за илузија. Ова го направив исклучиво за себе, а не за мажите и општеството. Јас живеам со тоа, а не семејството, општеството, момчињата. Благодарна сум на моето семејство бидејќи тие ми се голема поддршка, беа со мене во секоја смисла и финансиски. Не би можела сама да си ја дозволам оваа операција – објасни таа.

Таа објасни како е да се подготвиш за тешка операција за промена на полот.

– Потребна е документација од психијатар дека сте психички и физички подготвени. Јас сум на хормони веќе три години, а условот е барем една година да бидеш на хормони за да има време телото да се промени – вели таа.

– Најтешка ми беше хормонската терапија бидејќи луѓето не можат да разберат дека навистина се менуваме, навистина почнуваме да се чувствуваме како полот што сакаме да бидеме. Почнав да чувствувам повеќе, плачев, станав хистерична. Мајка ми најдобро знае. Поминавме низ пеколот првите шест месеци. Тогаш мајка ми ми рече дека морам да одам на преглед бидејќи е загрижена, но лекарите рекоа: Добредојде во светот, жено, нема ништо лошо со тебе, тоа е нормално – се присетува таа.

Николина раскажала како се чувствувала неколку дена по операцијата и како изгледа процесот на опоравување.

– На петтиот ден по операцијата сакам да кажам дека се чувствувам фантастично. Болките се присутни, но не и страшни. Сакам да им порачам на оние кои сакаат да го променат полот да се подготват добро психички. Првите два дена се најголем проблем за психата бидејќи веќе немате хормони и мора да бидете силни во главата. Кога размислувате дали требаше да го направите тоа, треба да бидете свесни дека тоа се должи на недостаток на хормони – вели таа.

– Мислам дека тоа е сосема во ред и не треба да им судиме на другите трансродови жени или луѓе кои не сакаат да ја направат таа операција бидејќи сите сме различни. Природата не е црно-бела, природата е полна со шарени бои, така што сите сме различни и мислам дека тоа е убавината на овој свет, така што не на сите им е потребна таа операција, но јас лично имам потреба. И навистина ја сакам за себе. Сакам да не морам да носам корсет, да можам нормално да носам бикини, да не морам да се кријам и да се срамам кога се пресоблекувам пред моите пријатели, но и да можам да се опуштам со партнерот – ја објасни таа својата одлука.