ВИДЕО: Средношколците нетрпеливо ја очекуваат ветената парична помош
Предлогот-законот за финансиска поддршка на социјално ранливи категории на граѓани денеска е на дневен ред пред пратениците во Собранието.
Препорачано
Владата на учениците им вети парична помош на семејствата кои имаат примања помалку од 50.000 денари за следните шест месеци почнувајќи од месец декември 2023 година. Основците ќе добијат по 1.200 денари, а средношколците по 1.800 денари месечно. Учениците во меѓувреме нестрпливо ја очекуваат ветената финансиска помош.
– Околку антикризните мерки Сојузот нема никакви конкретни информации. Ние ја поддржуваме ова одлука и би сакале да го видиме тоа што е можно побрзо, вели за „Слободен печат“ Филип Најдовски, генерален секретатр на Сојузот на средношколци.
Најдовски вели дека се обиделе да стапат во контакт со Министерството за образование и наука, со цел да дознаат повеќе околу начинот на апицирање за мерката, но оттаму не добиле конкретен одговор околу тоа.
Бектеши и Шаќири на средба со студенти од државните универзитети за новиот пакет антикризни мерки
– Сојузот ќе продолжи да апелира за што е можно побрзо да дојдеме до потребните информации и до самата реалзиација на најавената антикризна мерка, вели Најдовски.
Министерот за образование и наука, Јетон Шеќири во интервју за „Слободен печат“ кажа дека документите ќе се додтавуваат во училиштата, потоа УЈП ќе ги проверува и потоа следи исплата од Министерството за финансии.
Претходно МОН објави дека на својата веб-страница ќе објави повик што ќе трае седум дена, а заедно со повикот ќе биде наведено и кои документи се потребни за пријава.
Ковачевски: Сетот од 26 мерки за учениците, пензионерите, компаниите тежи 662 милиони евра
Законското решение со кое овие мерки ќе се формализираат, е во собраниска процедура и по негово усвојување, за истите ќе може да се аплицира. Детали за процесот на аплицирање (услови, начин, рокови и потребни документи) МОН наскоро ќе сподели информација со јавноста, велат оттаму за „Слободен печат“.
Со оваа владина мерка ќе бидат опфатени 105.000 ученици.
Целиот разговор со Филип Најдовски погледнете го во продолжение:
