Археолозите пронајдоа исклучително добро сочувана мермерна статуа на Хермес, богот на трговијата и емисар на Зевс, за време на ископувањата во античкиот турски град Аспендос во близина на Анталија, објавија турските медиуми.

Ископувањата на овој локалитет се вршат како дел од проектот „Наследство за иднината“ на турското Министерство за култура и туризам.

Статуата е откриена во близина на монументална фонтана на јужната порта на локацијата Аспендос.

A marble statue of Hermes, the messenger of Zeus in Greek mythology, was discovered during archaeological excavations at the ancient city of Aspendos, part of the “Legacy for the Future” project initiated by the Türkiye’s Ministry of Culture and Tourism.https://t.co/8yV0lqerCk

— TurkishArchaeoNews (@turarchaeonews) March 3, 2025

Мермерната скулптура на Хермес, позната како богот на гостопримството, дипломатијата, конкуренцијата и астрономијата во грчката митологија, била откриена на парчиња при ископувањето, но биле пронајдени речиси сите нејзини фрагменти.

Сите делови на статуата висока 1,65 метри се составени. Ова уметничко дело датира од крајот на вториот или почетокот на третиот век пред нашата ера. Статуата ќе биде обновена, а потоа ќе биде изложена на јавноста.

Како дел од ископувањата на овој локалитет, пронајдени се и глави на статуи на божиците Афродита и Ерос, како и делови од скулптури на Артемида и Немезида.