Фудбалерите на Њукасл и Вест хем одлично го отворија 30 коло во Премиер лигата. По двонеделна пауза поради репрезентативни обврски, на „Сент Џејмс Парк“ беше 4:3 (1:2) со многу прилики за постигнување повеќе од седум гола.

Следеше спектакуларен пресврт на домаќините кои до 77 минута беа на негатива од 1:3, а потоа постигнаа три гола и ги совладаа гостите од Лондон.

Добро почна за „страчките“, Александар Исак во шестата минута реализираше пенал во водство од 1:0.

Следуваше доминација за гостите, најпрвин по одличната асистенција и додавањето во просторот во 21 минута, Мајкл Антонио израмни на 1:1. До одморот, уште еден гол за тимот од Лондон, Лукас Пакета одигра покрај Кудус во 10 минута од судиското надополнување, а на интернационалецот од Гана не му беше тешко да постигне гол за 1:2.

Штом започна второто полувреме, во 48 минута „чеканите“ имаа и 1:3 благодарение на погодокот на Бовен. Во 77 минута по прекршокот над Арон Гордон, повторно беше досуден пенал за Њукасл. Одговорноста ја презеде Исак, кој со прецизен удар во долниот десен агол го намали резултатот на 2:3.

Само шест минути подоцна, израмнувачкиот гол, Исак одлично го пронајде Харви Барнс, кој лесно го совлада Фабиански за 3:3.

А потоа, ремек-дело на Барнс, се играше 90 минута кога играчот на домашната екипа ја прими топката, а потоа од 20 метри ја испрати топката во мрежата за делириум на трибините.