„Леголенд“ во Данска го слави „најстрашниот“ период од годината и Ноќта на вештерките. По тој повод изработени се околу 12.000 лего-фигури и најголемата лего-тиква досега, пренесува „Ројтерс“.

Илјадници лего-коцки „Леголeнд“ ги искористи за да создаде мноштво тикви, пајаци, глувци и печурки и сè што ја прави Ноќта на вештерките најпрепознатлива и најстрашна од сите ноќи.

Илјадници лего-коцки беа искористени за да се направи и најголемата лего-тиква досега. Џиновската тиква е широка 2,5 метри, висока метар и пол и длабока 2,1 метри. Беа потребни три недели и 100.000 лего-коцки за да се направи.

Посетителите на „Леголенд“ се поканети да направат свои тикви и фигури за време на нивната посета, кои потоа ќе се изложат на полето со тикви за време на сезоната на Ноќта на вештерките, настан кој ќе заврши на 5 ноември.

Инаку, првиот „Леголенд“ во светот е отворен во градот Билунд во Данска во 1968 година и е трета најпосетувана атракција во државата.

Во продолжение погледнете го видеото: