ВИДЕО | Совети од Марија Лазарова, професионален шминкер: Најпопуларни мејкап трендови за новогодишната ноќ
Бидете ѕвезда во новогодишната ноќ! Основното правило е да заборавите на правилата. Светки, седефести сенки, вештачки трепки, егзотични ајлајнери… сѐ е во игра, важно е само шминката да го следи стајлингот и местото што сте ги избрале за најлудата ноќ.
Препорачано
Затоа, препуштете ѝ се на фантазијата и испробајте неколку трендови за шминка за 2023 година, следејќи ги советите на професионалниот шминкер Марија Лазарова.
Шминка за Нова година
Новогодишната ноќ е една од најгламурозните вечери во светот, без разлика дали станува збор за свечена прослава или за мирна атмосфера покрај светилките на елката. Луѓето, особено жените, а и сите оние што користат шминка, како и вљубениците во модата, сакаат да се покажат во најдобро светло кога се работи за нивниот изглед и да се чувствуваат самоуверено. Последниве години, исто така, популарни се и предновогодишните забави. Покрај тоа, професионалната шминка и фризура се дел од „обврските“ во подготвувањето. Како професионален шминкер би сакала да истакнам дека за секое место или атмосфера постои соодветен стајлинг и да изнесам некои предлози. Секако, доколку посетите професионален шминкер и фризер, тие би го направиле тоа најсоодветно, но, добро е да се знае што каде е најсоодветно, посочува Марија Лазарова.
Настан во стилот на свечен бал
Овој тип настан бара дефиниран код на облекување и многу елеганција и префинетост. Покрај тоа, шминката треба да биде речиси незабележителна, но со совршено сработена кожа – шминка со доволно покривност и природен сјај и руменило, и специфичен елемент како некоја нијанса на црвен кармин или прецизен ајлајнер. Ние шминкерите велиме – „Стариот холивудски гламур“.
View this post on Instagram
Забава во ресторан или во клуб
Овој тип забави се шарени во поглед на облекување, па тука е важно како се облекувате, дали тоа одговара на вашиот личен стил или, пак, сакате да сте повеќе тренди – постојат мејкап стилови што се соодветни. Последните две години и нашата земја не застанува зад светските трендови, па во мода се циркони како додатоци, шминкање на очите во различни бои, стилот график лајнер, кој е популарен кај помладата генерација и сл. Добро исконтурирано лице, хајлајтер или светкав пигмент се, исто така, интересни елементи што се добредојдени за вечерна свечена шминка.
View this post on Instagram
View this post on Instagram
View this post on Instagram
Дневна забава
Дневните забави се многу популарни и подразбираат лежерен глам или урбано елегантен стил, што значи дека мејкапот треба да е софистициран и ненападен. Еден од моите омилени изгледи за оваа пригода се нежни „зачадени“ очи, со средна покривност на кожата и природен сјај на образите.
View this post on Instagram
View this post on Instagram
View this post on Instagram
Рок-забава
Љубителите на алтернативните стилови веќе имаат свој изграден стил и вкус кога станува збор за мејкап, но за сите оние што сакаат да пробаат нешто различно, без разлика дали посетуваат ваков тип забави – интензивно „зачадени“ очи, прецизно исцртани очи, црна боја на усните и сл.
View this post on Instagram
View this post on Instagram
Пријатно место, Нетфликс и кулирање
Еден од моите омилени начини да се дочека Новата година – мирна атмосфера покрај елката, вкусна храна и добар филм – мејкапот може да се скокне. Но, ако сте со пријатели, сакате да направите добри фотографии или веќе сте на зимски одмор, одлична опција се свилените трепки (надоградба влакно на влакно), серум – пудра за секојдневна употреба и кармин што е во интересна боја. Производите што можат да се најдат во драгстор се супер опција, а професионалната шминка може да се замени со добар третман на лице.
Во денешно време постојат најразлични стилови на добра шминка, но најважно е да се чувствувате добро во својата кожа и на себе да го носите тоа што вам ви се допаѓа, а доколку се одлучите за професионален шминкер и фризер, добро разгледајте ја нивната работа и дозволете им да ја направат својата магија.
