Сопственикот на фудбалскиот клуб Ливерпул, Џон В. Хенри јавно им се извини на вработените во клубот, а особено на навивачите и ја призна грешката што ја направија со влегувањето во Европската Суперлига.

Навивачите на еден од најтрофејните клубови во Европа го покажаа своето незадоволство веднаш откако објавија дека нивниот тим е еден од основачите на таканаречената Суперлига. По социјалните мрежи, тие наскоро излегоа на улиците, пред стадионот „Енфилд“, но се појавија и пред „Еланд Роуд“ пред гостувањето на тимот на Лидс во понеделникот.

Важна улога имаше и капитенот на клубот Џордан Хендерсон, кој најпрво одржа состанок со капитените на сите други премиерлигашки екипи, а потоа објави изјава на социјалните мрежи во која се вели дека не ја сака Суперлигата, по што ја испратија и сите негови соиграчи, и обединети го натераа клубот да ја промени одлуката.

Затоа, првиот човек на Ливерпул, Бостон Ред Сокс и групата Фанвеј, Џон В. Хенри, испрати јавно извинување до сите навивачи и вработени во клубот од Мерсисајд.

– Ве слушнавме, јас ве слушнав..Сакам да му се извинам на Јирген, играчите и секој што работи многу за овој клуб. Проектот не можеше да заживее без поддршка од фановите и во последните 48 часа беше многу јасно дека нема да има поддршка. Сите оние кои работат во клубот немаат никаква одговорност за она што се случило. Тие беа најмногу вознемирени и беше направена неправда. Тоа е она што најмногу боли. Тие работат секој ден за да ве направат горди, тие навистина го сакаат овој клуб – изјави Хенри во својата видео изјава.

И Премиер лигата против Суперлигата: Ќе сториме сè за да ја спречиме