Чејс Инфинити се најде во незгодна ситуација на премиерата на филмот „Една битка по друга“ (One Battle After Another).

Американската актерка, која глуми во филмот заедно со Леонардо Дикаприо (50), беше затекната од прашање кое многумина ги остави без зборови. Инфинити, која го има своето деби на големото платно во авантуристичката комедија, веќе се соочува со предизвиците на славата.

Variety deleted this clip of the interviewing asking what it like to call Leo Daddy oh they saw Marc rightfully getting jumped again pic.twitter.com/a3eAhQB0qB

— Steven (@steventphoto) September 9, 2025

– Како е чувството да го викаш Леонардо Дикаприо „тато“? – ја праша новинарот. Инфинити беше видливо збунета, но нејзината реакција беше кратка и резервирана.

„Па, хм, не мислев дека тоа ќе биде нешто што јас ќе го правам“, одговори актерката.

Иако интервјуто брзо беше отстрането од платформата, снимката се прошири на социјалните мрежи, а потоа следеше бран критики. Следбениците го осудија однесувањето на новинарот и застанаа во одбрана на младата актерка.

„Варајати го избриша видеото на кое Марк Малкин се однесува како целосен идиот со Чејс Инфинити на црвениот тепих на „One Battle After Another““, напиша еден корисник на платформата, додека други побараа јавно извинување од медиумската компанија.

„Целата љубов за Чејс Инфинити што се справи со тој момент на црвениот тепих со таква смиреност, грациозност и елеганција. Варајати треба јавно да се извини“, „Нема причина новинар, особено постар белец, да поставува вакви прашања“. „Ова е нејзино филмско деби и гордо ја прашувате ова?“, „Изгледа засрамена“, „Очигледно е збунета и разочарана од прашањето“, „Беше возбудена што ќе дава интервју, а потоа тој ја прашува ова“, се некои од коментарите.