Кристофер Шварценегер, синот на Арнолд Шварценегер, изненади многумина со својата физичка трансформација. Неодамна, тој за прв пат јавно проговори за тоа како со години се борел со вишокот килограми и што го натерало да го промени својот животен стил.

Зборувајќи на првиот самит „Beacher Vitality Happy & Healthy“ во Лос Анџелес, Кристофер го сподели своето петгодишно патување кон поздрав и поактивен начин на живот, истакнувајќи колку оваа промена му го подобрила секојдневието и физички и ментално.

„Тоа беше долг и напорен процес“, призна Кристофер за време на панел-дискусијата на која присуствуваа и неговата мајка Марија Шрајвер, Кели Озборн и организаторот на настанот Џеф Бичер. Сè, вели тој, започнало во 2019 година, кога престојувал во Австралија.

„Бев на патувањето на мојот живот. Сакав да истражувам, да доживеам нешто ново. Тогаш забележав колку дополнителната тежина ми го отежнуваше извршувањето на најосновните активности“, рече тој.

Еден специфичен момент беше неговата животна пресвртница. Тој сакаше да проба скокање со падобран, но неговите пријатели го предупредија дека тоа не е можно поради тежината.

„Во тој момент се соочив со реалноста, физичките ограничувања ме спречуваа да ги правам работите што сакав да ги правам“, додаде тој.

Проблемите со тежината го следат уште од средношколските денови. Тој се обидувал да се храни поздраво, па затоа често носел однапред подготвени оброци во училиште, поради тоа се чувствувал непријатно.

„Пробав различни методи, дури и ми доставуваа здрави оброци кога бев во средно училиште. Се сеќавам дека се чувствував чудно со тие грицки“, рече тој.

Неговата промена стана очигледна минатиот месец кога се појави на вечера во Западен Холивуд со својот брат Патрик. Многумина потоа ја забележаа неговата нова линија. Кристофер исто така откри дека ослабел 14 килограми за многу краток временски период.

„Решив да се откажам од лебот, а резултатите дојдоа брзо“, рече тој.