Јаник Синер триумфираше со 2:0 во сетови против Новак Ѓоковиќ во финалето на мастерс турнирот во Шангај, Кина.

Првиот донесе поголеми возбудувања кој италијанскиот тенисер го освои во тај-брејк со 7:4 против Србинот.

Во вториот сет Синер успеа да направи брејк во четвртиот гем при резултат 2:1 и мирно да го приведе мечот кон крајот.

Ѓоковиќ со овој пораз ја пропушти шансата да го освои 100 АТП трофеј во кариерата, а таа шанса најверојатно ќе ја чека на завршниот Мастерс во Торино, Италија.

– Да се ​​победи Новак е една од најтешките работи во спортот. Тој сервираше одлично во првиот сет и потоа одиграв добар тајбрејк. Многу сум задоволен од играта во текот на целиот турнир – рече Синер по финалниот меч.