Екипите на Пелистер и Башкими врзаа две победи во Првата македонска фудбалска лига, откако денеска славеа против Шкупи и Тиквеш.

Пелистер ја искористи кризата во редовите на Шкупи, кој со мака состави тим за овој натпревар. Чаирчани успеаа да се држат рамноправно еден час, но клучниот момент беше влегувањето на Ристиќ во второто полувреме, прво го отвори резултатот, а потоа асистираше за погодокот на Булатовиќ за конечни 2-0.

Ова беше втор триумф по ред за битолчани, кои во првото коло загубија од Вардар во Скопје, но очигледно брзо ја стабилизираа формата.

Во Куманово, Башкими на свој терен го совлада Тиквеш со 3-1 и на сличен начин како Пелистер, впиша втора победа во низа. Двоен стрелец за домашните беше Филип Алексовски, додека во листата на стрелци се запиша и Симовски. Единствениот погодок за кавадарчани го постигна Мишов.

ж