На неодамнешниот концерт во Монтреал, Шакира доживеа несреќа и падна на сцената за време на изведбата на нејзиниот познат хит „Whenever, Wherever“, но брзо се исправи и продолжи со настапот.

¡Tremendo susto! Shakira sufre aparatosa caída en pleno concierto 😱 pic.twitter.com/UpkmuxCHcS

— Adri Toval (@TovalAdriana) May 21, 2025

Колумбиската музичка ѕвезда моментално е на светската турнеја „Las Mujeres Ya No Lloran“, на која го промовира истоимениот нов албум. 48-годишната пејачка во последните недели настапуваше низ САД и Канада, а токму во Канада се случи незгоден момент што можеше да резултира со повреда.

Шакира се лизна и падна додека пееше еден од своите најголеми хитови. Сè помина непречено – таа брзо стана, се истресе и продолжи како ништо да не се случило.

Нејзиниот професионализам предизвика бран пофалби на социјалните мрежи – многумина ја нарекоа „вистинска шефица“. Некој, загрижен, напишал: „Се надевам дека не се повредила. Ваквите падови предизвикуваат болка и повреди следниот ден наутро.“

Сепак, обожавателите немаа причина да се грижат – Шакира ја продолжи својата турнеја без никакви проблеми и одржа концерти во Детроит, Чикаго и Торонто.