Северина сподели видео од нејзиниот концерт во Словенија каде заедно со една девојка од публиката го пееше нејзиниот хит „Пријатељице“, па се потсети како всушност ја напишала оваа песна и кому ја посветила.

Имено, песната „Пријатељице“ е објавена на албумот „Девојка са села“ во 1998 година, а нејзиното создавање крие тажна приказна. Во објавата, Северина откри дека текстот за оваа песна започнала да го пишува уште во средно училиште.

„Текстот за ‘Пријатељице’ почнав да ги пишувам уште во средно училиште за моите пријатели, безгрижно и разиграно, а рефренот го завршив плачејќи во хотелска соба во Загреб во 1991 година, кога ми кажаа дека Марица загинала во сообраќајна несреќа“, напиша Северина.

Таа објасни дека музиката ја напишала подоцна и ја објавила на албумот „Девојка со села“.

„Требаше да се вика ‘Еј Марице, пријателке моја’, но не сакав да ги допрам раните на нејзините родители, и на сите нас кои ја сакавме“, открила пејачката.

Потоа, таа се сети на својата другарка Марица: „Таа беше најубава во класот, свиреше виолончело. Одлета на нејзиниот југ. Нејзините соништа останаа неостварени, останавме без неа, но таа живее низ нејзината песна. И знам дека секогаш ја слуша, сега преку гласовите на некои млади девојки“.

Северина, исто така се заблагодари и на девојката Тија која ја испеа песната со неа, велејќи: „Беше силна“.

 

View this post on Instagram

 

A post shared by Severina (@severina)

ФОТО+ВИДЕО | Северина воодушевена од концертот на „Бијело дугме“ во Загреб, се сликала и со Горан Бреговиќ