Фудбалерите на Манчестер јунајтед доживеаја невиден срам во англискиот Лига куп, откако беа елиминирани од четвртолигашот Гримзби на пенали со 12:11. По 90 минути игра, резултатот беше 2:2.

Гримзби изненадувачки водеше со 2:0 со головите на Вернам во 22 и Ворен во 30 минута. Јунајтед успеа да израмни со погодоците на Мбеумо во 75 минута и Мегваер во 89 минута.

Во ударите од белата точка во редовите на Јунајтед, Матеуш Куња и Мбеумо промашија, за голема радост кај домашната екипа.

Рубен Аморим на теренот постави комбиниран, но доста силен тим, како стартери беа – Андре Онана, Хари Магваер, Диого Далот, Коби Мејн, Мануел Угарте, Доргу, како и новите засилувања Матеуш Куња и Бенјамин Шешко.

Јунајтед не е единствениот премиерлигаш кој испадна во раната фаза од натпреварувањето, елиминација претрпеа и екипите на Лидс, Сандерленд, Вест хем и Борнмут.