Фудбалерите на Селта Виго го продолжуваат започнатото, сезонава се во најдобра форма, а новиот тим против кои освоија бодови е Ваљадолид. Во 28 коло од Ла Лига славеа минимално, а херој на мечот беше Маркос Алонсо.

Не беше лесен пат до триумф за тимот на Клаудио Жиралдез. Сепак, неговите играчи освоија бодови на шестиот натпревар по ред. Во оваа серија позитивни резултати Селта оствари четири победи и две нерешени, што дава сериозна кандидатура за место во едно од европските натпреварувања.

Со овој триумф Селта Виго е седма на табелата, со 39 бодови. Околу нив има силна конкуренција, полна со тимови кои исто така се во одлична форма. Ќе мора да продолжат вака доколку сакаат да остварат историски резултат.

Натпреварот не изобилуваше со возбудувања, бидејќи кон голот беа упатени вкупно три удари. Решавачкиот момент се случи во последните минути, кога Фернандо Лопез упати удар кој го погоди Хуан Санчез во раката. Капитенот на Ваљадолид не ја држеше на вистинското место, па после ВАР снимката, судијата покажа на белата точка.

Маркос Алонсо го презеде целиот притисок врз себе. Дефанзивецот Виго изведе одличен удар од белата точка во 82 минута од играта.

Додека Селта слави, Ваљадолид е во многу лоша форма. Тие се во серија од 10 последователни натпревари без победа. За тоа време имаат забележано само едно реми, а во 2025 година имаат само четири освоени бода. Тие се на самото дно на табелата во Ла Лига, и се многу блиску до испаѓање од домашното првенство.