Актерката, пејачка и бизнисменка Селена Гомез навести дека овој викенд ќе се омажи за музичкиот продуцент Бени Бланко, пишува „Дејли мејл“.

На официјалниот инстаграм-профил на нејзиниот козметички бренд „Реар“, пејачката сподели снимка од маса преполна со козметика, мобилен телефон на кој свиреше песната на „Pick it Up“ на Карди Би, во која учествува и самата Гомез, како и црни очила за сонце и сребрена чантичка.

Над фотографијата напиша: „Јас целиот викенд“.

 

View this post on Instagram

 

A post shared by Rare Beauty by Selena Gomez (@rarebeauty)

Оваа објава веднаш поттикна шпекулации дека викендот ќе биде посветен на подготовките за свадбата, бидејќи, како и секоја невеста, Гомез сака да изгледа најдобро на својот голем ден. Некои американски медиуми веќе објавија дека свадбата ќе се одржи токму овој викенд.

Според објавените информации, на церемонијата во Калифорнија ќе присуствуваат манекенката Парис Хилтон и актерот Мартин Шорт, а се претпоставува, но сè уште не е потврдено дали ќе биде и Тејлор Свифт.

Гомез не можеше да го сокрие возбудувањето кога пред две недели, во гостување во емисијата „Вечерно шоу со Џими Фалон“, зборуваше за свадбата со Бланко. На прашањето за подготовките, таа со насмевка одговори: „Прекрасно е. Многу сум среќна. Сè оди добро. Навистина сум возбудена“.

Во емисијата, Стив Мартин се пошегува: „Сигурен сум дека нашите покани ќе стигнат еден ден“. Гомез потврди дека секако се поканети, а во шега додаде дека Мартин Шорт ќе го носи прстенот.

Минатиот месец Гомез ја прослави својата девојачка вечер, а многумина шпекулираат дека парот, кој се сврши во декември минатата година, свадбата ќе ја направи токму овој месец. Според претходните информации, венчавката би траела два дена и ќе се одржи во Монтецито, Калифорнија.