Се одигра и последниот натпревар од осминафиналето во Купот на Италија, Јувентус убедливо со 6:1 ја елиминираше Салернитана.

Фудбалерите на Салернитана уште во првата минута стекнаа предност со погодокот на Иксвуемеси, но потоа следува пресвртот на „Старата дама“.

За израмнување се погрижи Мирети во 12 минута, Камбијасо во 35 минута стрелаше за 2:1. Во 54 минута во листата на стрелците се запиша Ругани, а во 75 минута веќе беше 4:1 по автоголот на Брон.

По еден погодок во редовите на Јуве запишаа и Јилдиз во 88 минута и Веа во судиското надополнување (90+1`).

Познати се сите четвртфинални двојки во Купот на Италија: Фиорентина – Болоња, Милан – Аталанта, Лацио – Рома и Јувентус – Фросиноне.