фото: EPA-EFE/CRISTOBAL HERRERA-ULASHKEVICH

ВИДЕО | Сабаленка ја освои титулата на турнирот во Мајами

Белоруската тенисерка Арина Сабаленка стигна до трофејот на турнирот во Мајами, САД. Сабаленка во финалето ја совлада Американката Џесика Пегула со резултат 2:0 во сетови 7:5 и 6:2 после еден час и 29 минути игра.

За Белорусинката ова е 19 титула во нејзината професионална кариера, осма од серијата 100.

Пегула даде голем отпор во првиот сет во кој видовме многу брејкови. На крајот Сабаленка направи клучен брејк во 12 гем, ја искористи првата сет топка и поведе со 1:0 во сетови.

Во вториот сет доминираше Сабаленка која три пати направи брејк на сервисот на противничката, што беше доволно да го добие мечот во два сета и да се закити со титулата.

Најдобрата светска тенисерка не загуби ниту еден сет на патот до титулата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот