Локалните жители во рускиот град Тјумен се налутија кога тенк влета на плажа, каде тие се сончале и сакале да се разладат во Андрејевското езеро

Температурите во тој руски град последните денови беа значително повисоки од 30 степени, па мештаните побараа освежување во блиското езеро. Меѓутоа, мирниот летен ден ненадејно го прекинал тенк Т-72 на руската армија, кој двапати без застанување влета меѓу луѓето, пишува Дневник.хр.

Според извештаите на локалните медиуми, во близина на дивата плажа на Андрејевското езеро има воен полигон во сопственост на Министерството за одбрана.

Near #Tyumen, a tank went straight to the beach near the lake, where people were resting. pic.twitter.com/lQUlXDrbvl

— NEXTA (@nexta_tv) July 10, 2023

Сепак, доаѓањето на тенкот Т-72 и неговото маневрирање меѓу капачите налути многумина.

Локалните жители рекоа дека со години доаѓаат на брегот на езерото за да се сончаат, но пред неколку дена војниците од инженерското училиште ископале неколку тунели и патеки околу езерото за нивните вежби.

„Дојдовме на плажа во 11 часот наутро, се сончавме и пливавме, а потоа без предупредување помина тенк со голема брзина. Насекаде имаше пареа, чад и силна смрдеа на гориво“, изјави еден очевидец.

Од военото училиште, пак, тврдат дека тоа подрачје е забрането за собирање цивили.

„Ништо не се случи. Ова е територија на Министерството за одбрана и е забрането да се собираат цивили и да се капат на тоа подрачје. Целото подрачје е ископано. Ова е наш полигон. Тенкот едноставно излезе од шумата, сврте и се врати назад, тоа е се. Никој никому не се закануваше“, велат од Военото училиште.