ВИДЕО: Рома за 25 милиони евра ангажираше аргентинско крило од Јувентус
Рома го финализираше трансферот на 21-годишниот аргентински фудбалер Матиас Суле од Јувентус. „Волчицата“ го ангажираше новиот играч за 25 милиони евра, а договорот на крилниот напаѓач е на пет години.
Препорачано
Минатата сезона Суле играше на позајмица во Фросиноне. За оваа екипа запиша 39 натпревари на кои запиша 11 голови и три асистенции.
Дојде во академијата на Јувентус на почетокот на 2020 година од Велез. За првиот тим на Бјанконерите има 21 натпревар.
?? Matias Soulé ➕ 24-25 Away Kit ?
Preordina la nuova maglia ora, disponibile dal 1 agosto ?
? https://t.co/AV9xG1X94Q#ASRoma pic.twitter.com/aA8gElBn3b
— AS Roma (@OfficialASRoma) July 30, 2024
Во меѓувреме Јуве испрати понуда за напаѓачот на Борусија Дортмунд, Карим Адејеми, пренесуваат медиумите во Италија. Италијанскиот клуб нуди 30 милиони евра за правата на Германецот, кој стана приоритет за нападот на спортскиот директор Кристијано Џунтоли.
Џунтоли веќе одржа состанок со таткото на Адејеми на кој се разговараше за условите под кои напаѓачот би се преселил во клубот од Торино. На 22-годишниот фудбалер му е понуден договор според кој би заработувал четири милиони евра годишно плус бонуси.
Во Борусија се подготвени да се разделат со Карим Адејеми, кој до сега не ги оправда очекувањата од неговото доаѓање од Салцбург. Минатата сезона офанзивниот фудбалер одигра 34 натпревари, на кои постигна пет голови.
