Денеска во 24 коло од најсилното хрватско првенство фудбалерите на Динамо Загреб ремизираа дома против Хајдук Сплит со 2:2.

Во текот на првото полувреме веќе по пет минути игра поведоа „модрите“ со голот на Батурина по асистенцијата на македонскиот интернационалец Стефан Ристовски.

Гостите успеаја да израмнат по половина час игра, односно во 31 минута кога автогол си постигна Фрањиќ.

На стартот од вториот дел домаќините ја вратија предноста преку Пјер-Габриел, а во 62 минута останаа со еден фудбалер помалку на теренот поради вториот жолт картон на Ристовски.

Динамо не успеа до крајот да ја задржи предностите, Хајдук го избегна поразот во судиското надополнување (90+1`) кога домашната мрежа ја затресе Кровиновиќ.

За Динамо стартер беше и Аријан Адеми кој го напушти теренот во 28 минута поради повреда.

На табелата Динамо Загреб е на третото место со 39 бодови, зад Хајдук Сплит на втората позиција со 45, а водечки а Риека со 46.