Меланија Трамп повторно стана прва дама на САД. По инаугурацијата на нејзиниот сопруг Доналд Трамп, ретко видео на кое Меланија зборува словенечки стана вирално на Тик-Ток.

Водителот ја праша дали мисли дека за успехот е потребна среќа, на што Меланија одговорила: „Мислам дека е така, среќата е да се биде на вистинското место во вистинско време“.

Во коментарите беше откриено дека ова интервју е од 2000 година, а објавено е во словенечки документарец во 2022 година.

@slovenski.nekdo Melania Trump speaks Slovenian. The clip is from a Slovenian documentary: Melania (2022). #melaniatrump #fyp #donaldtrump #inauguration #slovenia #fypslovenija ♬ original sound – Slovenski nekdo

„Разбирам сè за неа“, „Јас сум Хрват и мило ми е што можам да разберам сè за неа. Таа е икона“, „Прв пат ја слушам како зборува словенечки“, „Убаво зборува словенечки“, „Сите од поранешна Југославија ја разбираат“, „Меланија го обединува Балканот“, „Конечно видео на словенечки“, се само дел од коментарите под видеото.

Меланија е родена во Словенија, а пораснала во индустрискиот град Севница. Нејзиниот татко Виктор работел како продавач на автомобили, додека нејзината мајка Амалија работела во модната индустрија, изработувајќи детска облека.

Што мислат Словенците за Меланија?

„Реакциите за Меланија сè уште се помешани. Некои во Словенија не ја сакаат затоа што изгледа како да не покажува интерес за самата земја и затоа што не ја посетила со години, што ја прави нетипична Словенка“, вели Словенечкиот филмски режисер Јуриј Груден, кој сними долгометражен документарен филм за првата дама.

Кога им открил на колегите на што работи, нивните реакции биле остри или поделени.

„Поларизацијата во врска со Меланија и нејзиното семејство е исклучително силна и тешко е да се води рационален разговор, без разлика на која страна од политичкиот спектар сте“, изјави тој.