Ѕвездата на „Би-би-си“, Хари Лоу, бил на задача да известува за силен дожд и поплави во предградието на Лондон во понеделникот вечерта, кога некој му го украл ранецот.

„Прв пат во кариерата синоќа – ми ја украдоа торбата во текот на нашиот пренос во живо“, напиша тој на Икс (поранешен Твитер) покрај објавеното видео.

На почетокот на снимката, Лоу известува за временските услови, по што следув претходно снимено интервју што го направил со млад локален жител.

A career first last night – my bag was stolen halfway through our live ? pic.twitter.com/gN7rDLGE4M

— Harry Low (@HarryLow49) October 31, 2023

Кога камерата се вратила на улицата, настанала неколку секунди тишина и се чинело дека репортерот забележал дека нешто не е во ред, а Лоу подоцна открил дека во тој момент крадецот побегнал со неговата торба.

Репортерот ја задржал присебноста и мирно си ја завршил работата, а многумина ја пофалија неговата реакција, меѓу кои и неговата колешка Холи Клеменс, која напишала: “Ох Хари!! Ти си апсолутен професионалец. Сепак, тоа е ужасно, жал ми е што се случи тоа”.

Кражбата не е фатена на камера, а Лоу не откри што има во украдената чанта, ниту пак откри дали крадецот е уапсен.