ВИДЕО | Рецепт за мусака ролат, 10 милиони луѓе воодушевени од ова јадење
Мусака е јадење што секоја земја го прави на различен начин. Доколку сте љубители на ова јадење со компири и мелено месо, тогаш ви предлагаме да пробате да направите и ролат од мусака. Идеален е за слави, но и за велигденската трпеза. Она што го разликува од познатата класика е кашкавалот што се додава. Вкусот е фантастичен и сите ќе ви бараат репете.
Препорачано
Состојки:
– 900 грама компири
– 300 грама кашкавал
– 2 лажици масло
За филот:
– 500 грама мелено месо (по избор)
– 2 лажици масло
– 1 кромид
– 3 зелени пиперки
– 3 чешниња лук
– 2 лажици сос од домати
– малку магдонос
Подготовка:
Плехот од рерната обложете го со хартија за печење и посипете со рендан кашкавал. Премачкајте ги компирите кои сте ги исечкале на тенки кругчиња. Посолете и премачкајте со масло, па печете во рерна на 200 степени околу половина час. Пропржете го ситно сечканиот кромид, па додајте ги меленото месо и ситно сечканата пиперка. Пред крајот сипете го сосот од домати, доматната паста, сечканиот лук и сечканиот магдонос. Зачинете по желба, па пржете додека не биде готово. Извадете ги компирите од рерна и посипете ги со рендано кашкавал, па мелено месо, па повторно кашкавал. Свиткајте, посипете со кашкавал и сечкан магдонос, па печете уште 10 минути на 200 степени.
