ВИДЕО | Рецепт за чоколаден ролат со мандарини, десерт што се топи во уста
Солените ролати често се служат на славите и на прославите, бидејќи освен што се декоративни, имаат и прекрасен вкус. Сепак, еднакво популарни се и слатките ролати, особено чоколадните. Доколку и вие сакате да јадете ролати, тогаш ви предлагаме да го пробате овој рецепт – чоколаден ролат со мандарини. Искористете го ова овошје додека уште трае сезоната и подгответе ролат што ќе им се допадне на сите.
Препорачано
Состојки:
– 5 мандарини
За фил:
– 14 г растителен желатин
– 60 г шеќер
– 1 литар млеко
– 150 г нутела
За глазура:
– 150 г чоколадо
– 40 г шеќер
– 25 г какао
– 10 г растителен желатин
– 200 мл млеко
Подготовка:
Направете го филот: Во тенџере измешајте ги желатинот и шеќерот, па сипете го млекото. Гответе додека не зоврие, постојано мешајќи. Сипете го филот во сад, па додајте ја нутелата и мешајте додека добро не се соединат состојките.
Направете ролат: Исечете го горниот дел од празно пластично шише, па сипете малку фил внатре. Потоа, исчистете ги мандарините и наредете ги на стапче за раженче (нека бидат поголеми). Наполнете го шишето со фил, сè до врвот. Потоа, ставете го во замрзнувач еден час добро да се стегне.
Направете чоколадна глазура: Во тенџере измешајте ги чоколадото, желатинот, шеќерот и какаото. Сипете го млекото, па варете со постојано мешање додека малку да згусне.
Прелијте ја глазурата врз ролатот: Со скалпел исечете го пластичното шише и извадете го стапчето за раженче. Ставете го ролатот на решетката, а одоздола ставете чинија. Ролатот прелијте го со чоколадната глазура и ставете го во фрижидер да се стегне.
