ВИДЕО | Раперот кој ја претепа Ријана повторно уапсен поради насилство: Крис Браун ќе плати 16 милиони долари оштета?
Американскиот рапер Крис Браун е уапсен рано утрово во хотел во Манчестер под сомнение дека пред две години со шише удрил музички продуцент по главата во ноќен клуб во Лондон, соопшти полицијата. Браун (36) беше уапсен под сомнение за нанесување тешки телесни повреди, објави „Индипендент“.
Препорачано
Полицијата го пронашла раперот и го уапсила неколку часа откако пристигнал во Манчестер со приватен авион, во хотелот „Лоури“ во Салфорд.
Имено, инцидентот се однесува на настан од февруари 2023 година во клубот „Тејп“ на плоштадот Хановер. Продуцентот Абрахам Диау го обвини Браун дека го удрил со шише во главата, предизвикувајќи му сериозни повреди, вклучително и повреда на коленото.
Дијау поднесе тужба против Браун, барајќи отштета од 16 милиони долари.
Браун планираше да ја започне својата светска турнеја „Breezy Bowl XX“ за три недели, што вклучува концерт во Манчестер следниот месец.
Полицијата продолжува со истрагата, а раперот моментално е во притвор.
Да потсетиме дека кон крајот на минатата година, анонимна жена го обвини Браун дека ја силувал во 2020 година на јахта во сопственост на Пи Деди, за време на една од озлогласените забави на раперот.
Обвинението беше изнесено во емисијата „Крис Браун: Историја на насилства“, а документарецот се фокусира на наводното насилно однесување на Браун во текот на годините, што вклучува злоупотреба на женски партнерки, обвинувања за физички напад и сексуално малтретирање. Овие обвинувања првпат се појавија во 2009 година, кога тој призна дека ја брутално ја претепа својата тогашна девојка, Ријана.
