Фудбалерите на Рајо Ваљекано го победија Лас Палмас на гостински терен во првиот натпревар од 35 коло во Ла Лига.

Со овој триумф, тимот од стадионот „Валекас“ стигна до 47 бодови и моментно е на седмото место, кое води кон Лигата на Европа следната сезона.

Лас Палмас остана во зоната за испаѓање со 32 бодови, три помалку од првиот „над линијата“ Алавес.

Триумфот за Рајо го донесе играчот од средниот ред Алваро Гарсија со гол по убавата асистенција на Иси Палазон, во 66 минута.

Домаќинот се обиде со офанзивна игра на крајот од натпреварот да стигне до бод, но Рајо покажа дека е сериозен кандидат за место во Европа и лесно одржуваше минимално водство.