На социјалните мрежи изминативе денови се прошири трогателно видео од збогувањето на работници во фабрика во босанскиот град Брчко од нивниот долгогодишен колега Асим Ибрахимпашиќ, кој замина во пензија.

Колегите на Асим од фабриката за ПВЦ столарија во Брчко се наредија во „шпалир“ и му аплаудираа на Асим додека поминуваше меѓу нив. На крајот, тие му подадоа плико, а имаа подготвено и торта. Асим беше видливо трогнат од гестот, како и целиот регион на поранешна Југославија.

@spasitelj3

♬ original sound – Mavrovouniotis

Многумина во коментарите го пофалија потегот на колегите и работодавачот.

„Браво за шефовите и тимот“, „Сигурно бил добар човек и колега“, „Која е оваа компанија? Почит“, „Уживајте во Асим“, „Дали е ова можно овде? Ме наежија“, „Асим се пензионира како крал“, „Честитки. Долго време не сум гледал поубаво видео на оваа платформа“, се дел од коментарите.