Две лица се убиени, а три други се повредени вчера во пукотница во казино во Рино, Невада, САД.

Нападот се случил во ресортот и казино Гранд Сиера, јавува Си-Ен-Ен, прецизирајќи дека наводниот сторител е меѓу повредените.

Полициската управа во Рино потврди дека наводниот напаѓач, чиј идентитет не е објавен, е во притвор. Сведоците го виделе како шета низ паркингот кратко пред пукањето.

Си-Ен-Ен, повикувајќи се на на изјава од полицаец објави дека пиштолот се заглавил откако почнал да пука.

„Се обидуваме да утврдиме што се случило“, изјави градоначалничката Хилари Сиви за „Рино Газет Џурнал“.

Градот Рино е втор најнаселен во државата Невада, по Лас Вегас, а е познат и по своите казина.